Personal tools
You are here: Home Aranĝoj IHR8
Document Actions

8-a Internacia Himalaja Renkontiĝo

What Internacia Himalaja Renkontiĝo
When 2009-02-26 11:00 to
2009-03-10 18:00
Where Anapurna, Nepalo
Add event to calendar vCal
iCal

La Nepala Esperanto-Asocio ĝojas anonci la okan dekdutagan Internacian Himalajan Renkontiĝon por konigi sian landon al alilandaj esperantistoj. Apenaŭ ekzistas iu lando en la mondo kiu povus rangi samnivele kun Nepalo rilate naturan, etnan kaj kulturan diversecon. Partoprenante la renkontiĝon, vi havas la ŝancon formi vian propran bildon de la lando kaj samtempe konatiĝi kun lokaj kaj alilandaj esperantistoj kiuj partoprenos la samajn programerojn.

Pro bedauxrinda minskompreno la kotizoj cxi tie estis skribita en usonaj dolaroj anstataux euxroj. Ni pardonpetas kaj bedauxras pro la miskompreno.


Vi pasigos la unuajn kaj lastajn tagojn de la renkontiĝo en Katmando valo kie situas la ĉefurbo de Nepalo. Tieaj historiaj distriktoj kaj monumentoj atestas ĝian riĉan kulturan pasintecon notinde tiuj de la plej grandaj Patano kaj Bhaktapuro kie vi povos vidi kiel nevaraj kaj tamangoj, la originaj etnoj de la valo restas fidelaj al siaj jarcentaj tradicioj malgraŭ la multeflanka moderniĝo de la valo.

La ĉefa parto de la renkontiĝo programo estos vojaĝo al alia granda valo de Nepalo, Pokhara situante okcidente de Katmando je 200 kilometroj. Survoje vi haltos por fari rajdon flose sur Trisuli rivero.

Pokhara same kiel Katmando situas en la meza regiono de la lando sude kelkdekajn kilometrojn de la Himalaja montaro, kaj de ĝi vi povas ĝui fabelan panoramon de la montoj de Anapurna, Dhaŭlagiri kaj Manaslu. La pinto de Maĉapuĉre (la fiŝvosto) majeste dominas la scenon.

De Pokhara vi entreprenos Beshisahar rondpiedvojaĝon ĝis Pokhara tra Anapurna Himalaja Regiono dum kiu vi havigos al vi (krom kelkajn dolorajn muskolojn!) bonegan ideojn pri la montara vilaĝa vivo, tiel kiel la plejmulto de la popolo ĝin spertas tage.Vi ankaŭ ĝuos majestajn vidaĝojn de la Himalaja montaroj de Anapurna, Nilgiri, kaj Daŭlagiri .Laŭ dire ĉi tiu Galegaun Ghanpokhara piedvojaĝo al la bazo de Anapurna estas unu el la plej bonaj tiaj vojoj en la tuta mondo.


Tie vi povas observi la vivon kaj kulturon de la etna popolo precipe gurungoj, ghaleoj kaj thakalioj.

La gurungoj/Ghaleoj estas famaj pro siaj kuraĝo kaj braveco en batalo. Multaj el ili servas en armeoj de diversaj landoj (ili estas honestaj, sinceraj kaj naivaj).

La gurunga popolo parolas sian propran lingvon. Laŭ lingva kaj etna ecoj ili parencas al la magara, thakalia kaj kirata gentoj. La gurungoj estas ankaŭ famaj pro sia honesta pensmaniero kaj siaj riĉaj danca kaj muzika tradicioj. Ili estas ĉiam ridemaj malgraŭ siaj penegaj vivoj. La plimulto de ili vivas en la alta Lamĝung kaj Kaski distrikto laŭ flanko de Marsangdi rivero. La vivo de tiuj monthomoj estas modesta ĉar laboro sur la deklivoj estas penega.

Dum via restado vi loĝos en bonkvalitaj hoteloj kun matenmanĝo. Ĉiuj manĝkostoj (en la montara parto) kaj aliaj kostoj en Nepalo estas inkluzivitaj en la aliĝkosto sed tiu ne ampleksas asekuron. La kotizo estis kalkulita por kovri kostojn - ne por gajni monon. Similaj turismaj servoj kutime kostas preskaŭ 90 eŭrojn tage, multaj niaj estas volontulaj servoj de nepalaj esperantistoj.

Specialaĵo de tiu montara regiono estas la famaj gurungaj selaladoj. Vi trapasos kelkajn inkluzive Khudi Galegaŭ Bhuĝung, Pasgaun ktp. La montareto tie estas kovrita de arbaro de rododendro, la belega nacia floro de Nepalo. Vi ankaŭ ĝuos vidojn de nigraj simioj (presbitoj) cervoj (kapreoj) kaj diversaj specoj de birdoj montaraj.


La programo estas planita por ke ĝi taŭgu al ĉiuj aĝogrupoj. Ĉi-foja itinero estas preskaŭ virga kaj nedifektita pro troa turismo.


EBLAJ VIDOJ DE MONTAROJ

MCAPUĈRE (6700mtr) ANAPURNA (8090mtr) ANAPURNA IV (7550mtr) LAMĜUNG HIMAL (7000mtr) HIMALĈULI (6750 mtr) multaj pintoj.


Legu ankaũ la programon, la kotiztabelon kaj la ALIĜILOn.

« September 2014 »
Su Mo Tu We Th Fr Sa
123456
78910111213
14151617181920
21222324252627
282930
 

Powered by Plone CMS, the Open Source Content Management System

This site conforms to the following standards: